Blogging Me Fail Hone Ke 7 Bade Karan

Blogging Me Fail Hone Ke 7 Bade Karan

Guest Post:

Hello dosto mera naam Rohit Singh hai aur me Bloggingtipshindi.com ha author hu. Aaj ke is post me hum baat karenge ki blogging me asafal hone ke 7 bade karan jiski wajah se adhiktar bloggers apne blog ko successful nahi bana paate hai.

Dosto blogging ek aisa tarika hai jisko yadi aapne sahi tarike se kiya to aap full time blogger ban sakte ho aur aapko kahi par bhi job karne ki koi jarurat nahi hogi.

➽ Blogging Q Kare Isse Hmko Kya Fayda Hoga

➽Blog Ki Basic setting kaise kare

Lekin iske liye aapko mehnat karna padega phir chahe wo blogging ho ya phir aur koi bhi business. Yadi aapko blogging field me success hona hai to aap in sabhi galtiyon ko dhyan me rakho aur in karano ko avoid karo aapko blogging me safalta 100% milegi. To chalo friends post ko start karte hai.

Blogging Me Fail Hone Ke 7 Bade Karan

1. No Passion

Dosto ye sabse bada karan hai jiski wajah se 95% blogger fail ho jaate hai. Unko blogging karne me dil se passion nahi hota hai aur wo log dusro ki safalta dekhar khud blogging field me utar jaate hai.

Lekin dosto ye sahi tarika nahi hai. Kisi bhi kaam me success prapt karne ke liye aapko us kaam me dil se passion hona bahut hi jaruri hota hai aur ye baat blogging field me bhi lagu hota hai.

2. Right Topic

Apne blog ko safal banana ke liye aapko right topic ya niche par blogging karna bahut jaruri hai. Maine personally bahut logo ko dekha hai jo ki galat topic par blogging karna start kar dete hai jo ki bilkul bhi sahi nahi hota hai.

➽ Blog Post Publish Karne Ke Bad Use Promote Kaise Kare
➽ Backlinks Kya Hai or Blogger Ke Liye Kyu Jaruri Hai

Bahut log puchte hai ki blogging karne ke liye best topic kya hai. Well, iska answer aapko aur koi nahi bata sakta hai. Iska jawab aapko khud se puchna hoga yadi me kahunga ki aap weight loss topic par blog banao to kya ye jaruri hai ki aapko 100% success mil jayegi.

Nahi yadi aapko dil se us topic par interest nahi hai aur knowledge nahi hai to aapko blogging me fail ho jaoge aur ye to pakka hai. Aapko humesah wahi topic par blog banana chahiye jiske bare me aapko complete knowledge ho aur aapke apne readers ko high quality content provide kar pao.

3. Money

Dosto ye to 99% blogger ka fail hone ka karan hai kyunki har koi chahta hai ki wo apne blog se jald se jald acche paise kamaye. Lekin ek baat to pakka hai ki blogging se paise kamane me time lagta hai.

Ye namumkin nahi hai aap jarur apne blog se har mahine acche paise kama sakte ho lekin iske liye aapko kam se kam 6 mahina ya 1 saal tak regular blogging karna hoga tabhi aapko blogging me success milegi.

Paise ke liye blogging mat karo, aap apne kaam par focus karo paise byproduct hote hai jo ki aapo behtar kaam karne se milte hai. Yadi aapka blog accha hai aur log ki genuine help karta hai to wo din bilkul bhi dur nahi hoga jab aap full time blogger ban jaoge.

Shuruwat me aap paise par focus bilkul bhi naa kare aur keval apne blog par acche se accha article publish kare paise automatically aane lagenge.

4. Low Quality Content

Aaj kal google ke algorithm bahut hi strict ho gaye hai aur yadi is time par aapko blogging me safalta prapt karni hai to aapko apne blog par high quality articles publish karna hoga.

Bahut blogger aise hote hai jo keval post ki count badhane ke liye naye naye post publish karte hai lekin ye tab kaam karta hai jab aapka post high-quality ka ho. Lekin yadi article low quality ka hoga to aapko google me achi ranking bilkul bhi nahi milegi.

➽Blog Ki Traffic Badhane Ki Tips & Tricks Hindi Me

Google ka panda algorithm low quality content ko target karta hai isliye aapko humesha ye dhyan rakhna hai ki aap jo bhi articles apne blog par publish karte ho wo 100% high quality ka hona chahiye.

5. No Regular Blogging

Google ke algorithm me content freshness ko bhi value diya jaata hai is liye aapko apne blog par regular blogging karna chahiye jo ki bahut bloggers nahi karte hai jiski wajah se wo blogging me fail ho jaate hai.

Bahut log josh me aakar apne blog ko start karte ho aur kuch hafte tak regular blogging karte hai lekin jaise jaise time bitata hai unki blogging frequency bahut ka low ho jaati hai jiski wajah se unke blog ki traffic aur seo dono par negative effect padta hai.

Aapko hafte me kam se kam 1 blog post ko jarur publish karna chahiye taaki aapke blog par regular fresh content aapke readers aur search engines dono ko milta rahe.

6. Wrong SEO

SEO se google aur dusre search engines me aapki ranking improve hoti hai jisse ki aapko traffic milta hai. Bahut blogger sahi seo nahi karte hai jiski wajah se unko acha result nahi milta hai aur wo pareshan ho jaate hai.

➽ SEO Ki Basic Terms And Unke Meaning Hindi Me

Proper SEO karne ke liye aapko on page seo ko acche se karna chahiye. Aapko apne blog par heading tags aur keywords ka sahi upyog karna chahiye. Bahut log ko lagta hai ki backlinks hi sabh kuch hota hai lekin aisa nahi hai.

Sabse badi baat ye hai ki aapka article kaisa hai uska on page seo kaisa hai aur dusre factors baad me aate hai. Isliye aapko humesha post ko publish karne se pehle apne page ka on page seo ko jarur check karna chahiye.

7. Keyword Spamming

Keyword spamming bhi ek bahut bada karan hai jiski wajah se aapka blog puri tarah se fail ho sakta hai. Dosto Google ko keyword spamming bilkul bhi pasand nahi hoti hai.

Aapko apne mein keyword ko title, starting paragraph, image alt tag aur keval 2 se 3 baar apne main content par likhna chahiye aur ye kafi hota hai google ko pata lagane me ki aapka blog post kis topic par hai.

➽Blogger Ke Liye 5 Best Free Keyword Research Tools

Aapko keyword spamming se humesha dur rehna chahiye aur ye problem jyadatar naye bloggers ke saath dekhi gayi hai ki wo log apne post ko top par ranking karne ke liye bahut jyada keyword spamming karte hai jiski wajah se unke blog ki seo par negative effect padta hai.

Conclusion:

➽ Blog Ko Search Me Kaise Laye

To friends ye tha blogging me fail hone ke 7 bade karan jo ki aapko bilkul bhi nahi karna chahiye yadi aapko ek successful blogger banna hai to. Yadi aapke man me koi bhi doubt hai to aap comment me humse puch sakte ho. Yadi aapko ye post helpful lagi to post ko share kare. Happy blogging.